Editor m rajappa vyasagondanahalli
By shukradeshenews Kannada | online news portal |Kannada news online
By shukradeshenews | published on October 10
ಅ.12ರಂದು ಬೆಸ್ಕಾಂ ಇಲಾಖೆಗೆ ರೈತ ಸಂಘಟನೆ ಮುತ್ತಿಗೆ:ರಾಜು ಬೈರನಾಯಕನಹಳ್ಳಿ
ಜಗಳೂರು ಸುದ್ದಿ: ಅಕ್ಟೋಬರ್ 12 ಗುರುವಾರದಂದು ಕರ್ನಾಟಕ ರಾಜ್ಯ ರೈತ ಸಂಘ ಹುಚ್ಚವ್ವನಹಳ್ಳಿ ಮಂಜುನಾಥ್ ಬಣದಿಂದ ಬೆಸ್ಕಾಂ ಇಲಾಖೆಗೆ ಮುತ್ತಿಗೆ ಹಾಕಲಾಗುವುದು ಎಂದು ಸಂಘಟನೆ ತಾಲೂಕು ಕಾರ್ಯದರ್ಶಿ ರಾಜು ಬೈರನಾಯಕನಹಳ್ಳಿ ತಿಳಿಸಿದರು.
ಪಟ್ಟಣದಲ್ಲಿ ಎಸ್ ಸಿ ಎಸ್ ಟಿ ಪತ್ರಿಕಾ ವರದಿಗಾರರ ಕ್ಷೇಮಾಭಿವೃದ್ದಿ ಸಂಘದ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು.
ರೈತರ ಪಂಪ್ ಸೆಟ್ ಗಳಿಗೆ ದಿನಕ್ಕೆ ದಿನದ 24 ಗಂಟೆಗಳಲ್ಲಿ ಅನಿಯಮಿತ ಲೋಡ್ ಶೆಡ್ಡಿಂಗ್ ಖಂಡಿಸಿ.ಸಮರ್ಪಕ ವಿದ್ಯುತ್ ಪೂರೈಕೆಮಾಡಬೇಕು.ಜಲಮೂಲಗಳಿಲ್ಲದ ಬರದನಾಡಿನಲ್ಲಿ ಬರ ತಾಂಡವಾಡುತ್ತಿದೆ.ಬೋರ್ ವೆಲ್ ಗಳನ್ನೇ ನಂಬಿಕೊಂಡಿರುವ ರೈತರಿಗೆ ನೀರಾವರಿ ಜಮೀನುಗಳಲ್ಲಿ ಅಡಿಕೆ,ತೋಟಗಾರಿಕೆ ಬೆಳೆಗಳ ಉತ್ತಮ ಫಸಲಿಗೆ ಅಧಿಕಾರಿಗಳು ಸ್ಪಂದಿಸಬೇಕು ಎಂದು ತಿಳಿಸಿದರು.
ಸಂಘಟನೆ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸತೀಶ್ ಗೌಡಗೊಂಡನಹಳ್ಳಿ ಮಾತನಾಡಿ,ಅಕ್ಟೋಬರ್ 12 ರಂದು ನಡೆಯಲಿರುವ ಪ್ರತಿಭಟನೆಗೆ ಸಂಘಟನೆ ರಾಜ್ಯಾಧ್ಯಕ್ಷ ಹುಚ್ಚವ್ವನಹಳ್ಳಿ ಮಂಜುನಾಥ್ ಸೇರಿದಂತೆ ತಾಲೂಕಿನ ನೂರಾರು ರೈತರು ಭಾಗವಹಿಸಲಿದ್ದಾರೆ ಎಂದು ಮಾಹಿತಿ ನೀಡಿದರು.
ಸಂದರ್ಭದಲ್ಲಿ ಸಂಘಟನೆ ತಾಲೂಕು ಗೌರವಾಧ್ಯಕ್ಷ ಬನ್ನಿಹಟ್ಟಿ ವಿರೇಶ್,ರಂಗಪ್ಪ ಹನುಮಂತಾಪುರ,ತಿಪ್ಪೇಸ್ವಾಮಿ ಗುರುಸಿದ್ದಾಪುರ,ಎಂ ಪರುಶರಾಮಪ್ಪ ,ಚಿಕ್ರೇಶಿ ಸೇರಿದಂತೆ ಇದ್ದರು.