:ಬಂಡವಾಳ ಶಾಹಿ ವರ್ಗದವರ ಆಕ್ರಮಣದಿಂದ ಮಡಿವಾಳ ಸಮಾಜದ ಮೂಲ ಕುಲಕಸುಬಿಗೆ ಕುತ್ತು ಬಂದಿದೆ‌ .ಪೋಷಕರು ಮಕ್ಕಳ ಶಿಕ್ಷಣಕ್ಕೆ ಒತ್ತು ಕೋಡಿ ಎಂದು ಚಿತ್ರದುರ್ಗದ ಮಡಿವಾಳ ಮಾಚಿದೇವ ಮಹಾಸಂಸ್ಥಾಮಠದ ಶ್ರೀ ಬಸವಮಾಚಿದೇವ ಸ್ವಾಮೀಜಿ ಕಿವಿ ಮಾತು ಹೇಳಿದರು.

ಜಗಳೂರು ಸುದ್ದಿ :ಬಂಡವಾಳ ಶಾಹಿ ವರ್ಗದವರ ಆಕ್ರಮಣದಿಂದ ಮಡಿವಾಳ ಸಮಾಜದ ಮೂಲ ಕುಲಕಸುಬಿಗೆ ಕುತ್ತು ಬಂದಿದೆ‌ .ಪೋಷಕರು ಮಕ್ಕಳ ಶಿಕ್ಷಣಕ್ಕೆ ಒತ್ತು ಕೋಡಿ ಎಂದು ಚಿತ್ರದುರ್ಗದ ಮಡಿವಾಳ ಮಾಚಿದೇವ ಮಹಾಸಂಸ್ಥಾಮಠದ ಶ್ರೀ ಬಸವಮಾಚಿದೇವ ಸ್ವಾಮೀಜಿ ಕಿವಿ ಮಾತು ಹೇಳಿದರು.

ಪಟ್ಟಣದ ಭರಮಸಮುದ್ರ ಗೇಟ್ ಬಳಿ ವಿನಾಯಕ ಲೇಔಟ್ ನಲ್ಲಿ ಹಮ್ಮಿಕೊಂಡಿದ್ದ ಮಡಿವಾಳ ಮಾಚಿದೇವ ಜಯಂತ್ಯೋತ್ಸವ ಹಾಗೂ ಸಮುದಾಯ ಭವನ ಶಂಕುಸ್ಥಾಪನೆ ಕಾರ್ಯಕ್ರಮದ ದಿವ್ಯ ಸಾನಿಧ್ಯ ವಹಿಸಿ ಅವರು ಆಶೀರ್ವಾಚನ ನೀಡಿದರು.

ಮಡಿವಾಳ ಸಮಾಜಕ್ಕೆ ತನ್ನದೆಯಾದ ಇತಿಹಾಸವಿದ್ದು ಮೂಲತ ಸ್ವಾಭಿಮಾನಿಗಳಾಗಿ ಸಮಾಜದಲ್ಲಿ ಕಾಯಕದಲ್ಲಿ ದೇವರುನ್ನು ಕಂಡವರು‌ .ಆಧುನಿಕತೆಯಲ್ಲಿ ಅತಿಯಾದ ತಂತ್ರ ಜ್ಞಾನದಿಂದ ವಾಷಿಂಗ್ ಮಿಷನ್ ಬಳಕೆಯಿಂದ ನಮ್ಮ ಮೂಲ ಕಸುಬುಗಳು ಕ್ರಮೇಣ ನಶಿಸುತ್ತಿದೆ ಎಂದು ಅತಂಕ ವ್ಯಕ್ತಪಡಿಸಿದರು.ತಾವುಗಳು ಸಹ ತಂತ್ರಜ್ಞಾನ ಬಳಕೆ ಮಾಡಿಕೊಳ್ಳಲು ಮುಂದಾಗಬೇಕು.ತಮ್ಮ ವೃತ್ತಿ ಜೊತೆಗೆ ಗಳಿಕೆ ಅನಿವಾರ್ಯವಾಗಿದೆ.ದೇಶದಲ್ಲಿ ಶೋಷಿತ ಸಮುದಾಯದ ಕಾಯಕಗಳು ಇಲ್ಲದಿದ್ದರೆ ನರಕಮಯ ವಾತಾವರಣ ಸೃಷ್ಠಿಯಾಗುತ್ತಿತ್ತು.

ಜಗಳೂರಿನಲ್ಲಿ ಸುಂಸ್ಕೃತ ರಾಜಕಾರಣಿಗಳಿಂದ ತಳಸಮುದಾಯಗಳ ದಾರ್ಶನಿಕರ ಜಯಂತಿಗಳಲ್ಲಿ ಪಕ್ಷಾತೀತವಾಗಿ ಭಾಗವಹಿಸುವ ದೊಡ್ಡತನ ಮೈಗೂಡಿಸಿಕೊಂಡಿದ್ದು.ಚುನಾವಣೆಯಲ್ಲಿ ಮಾತ್ರ ರಾಜಕಾರಣ ಉಳಿದಂತೆ ರಾಜಕಾರಣಮಾಡದೆ ಸುಸಂಸ್ಕೃತ ರಾಜಕಾರಣಿಗಳಿದ್ದಾರೆ .ನಮ್ಮ ಮಡಿವಾಳ ಸಮುದಾಯದ ಶಾಸಕರಿಲ್ಲ ಆದರೆ ನಮ್ಮ‌ ಸಮುದಾಯದ ನೆರವಿಗೆ ಅನ್ಯ ಸಮುದಾಯದವರ ಸ್ವಂದನೆ ಮೆಚ್ಚುಗೆಯಾಗಿದೆ .

ತಾಲೂಕಿನಲ್ಲಿ ಮಡಿವಾಳ ಸಮಾಜದ ಶೇ. 90 ಕ್ಕೂ ಅಧಿಕ ಜನರು ಜಮೀನುರಹಿತರಾಗಿ ವಾಸಿಸುತ್ತಿದ್ದು.ಕೇವಲ ದುಡಿಮೆಯನ್ನೇ ಅವಲಂಬಿಸಿರುವುದು ವಾಸ್ತವ ಆದರೂ ಒಂದು ದಿನ ಮೀಸಲಿಟ್ಟು.ಸಮುದಾಯ ಭವನದ ಭೂಮಿ ಪೂಜೆಗೆ ಸಾವಿರಾರು ಸಂಖ್ಯೆಯಲ್ಲಿ ಭಾಗವಹಿಸಿ ಒಗ್ಗಟ್ಟು ಪ್ರದರ್ಶಿಸಬೇಕು ಎಂದು ಕರೆ ನೀಡಿದರು.

ಶಾಸಕ ಎಸ್.ವಿ.ರಾಮಚಂದ್ರ ಮಾತನಾಡಿ,ಮಡಿವಾಳ ಸಮುದಾಯಕ್ಕೆ ನೀಡಿದ ಭರವಸೆಯಂತೆ ನಿವೇಶನ ಒದಗಿಸಿರುವೆ.ಹೆದ್ದಾರಿ ಪಕ್ಕದಲ್ಲಿನ ಸುಸಜ್ಜಿತ ಸಮುದಾಯ ಭವನ ಜಿಲ್ಲೆಗೆ ಮಾದರಿಯಾಗಲಿದೆ.₹50 ಲಕ್ಷ ವೆಚ್ಚದಲ್ಲಿ ಸುಸಜ್ಜಿತ ಸಮುದಾಯ ಭವನ ನಿರ್ಮಾಣಕ್ಕೆ ಶೀಘ್ರ ಭೂಮಿಪೂಜೆ ನೆರವೇರಿಸಲಾಗುವುದು.ಮಡಿವಾಳ ಸಮುದಾಯದ ಅಭಿವೃದ್ದಿಗೆ ಸದಾ ಬದ್ದನಾಗಿರುವೆ.ತಮ್ಮ ಆಶೀರ್ವಾದ ನನ್ನ ಮೇಲಿರಲಿ ಸ್ವಯಂ ಉದ್ಯೋಗಕ್ಕಾಗಿ ಸರಕಾರದಿಂದ ಸಾಲಸೌಲಭ್ಯ ಒದಗಿಸಲಾಗುವುದು ಎಂದು ಭರವಸೆ ನೀಡಿದರು.

ಮಡಿವಾಳ ಮಾಚಿದೇವ ಅಭಿವೃದ್ದಿ ನಿಗಮದ ಅಧ್ಯಕ್ಷ ರಾಜು ಎಂ ತಲ್ಲೂರು ಮಾತನಾಡಿ,ರಾಜ್ಯದಲ್ಲಿ ಚಿಕ್ಕ ಸಮುದಾಯವನ್ನು ಗುರುತಿಸಿ ದೇವರಾಜ್ ಅರಸ್ ಅಭಿವೃದ್ದಿ ನಿಗಮದಿಂದ,ಮಡಿವಾಳ ಮಾಚಿದೇವ ಅಭಿವೃದ್ದಿ ನಿಗಮ ಪ್ರತ್ಯೇಕವಾಗಿ ವರ್ಗಿಕರಿಸಿ 4 ವರ್ಷ ಕಳೆದರೂ ಸಮುದಾಯದ ಬಡ ಫಲಾನುಭವಿಗಳಿಗೆ ಸೌಲಭ್ಯಗಳು ಮಾತ್ರ ಕೈಗೆಟುಕತ್ತಿರಲಿಲ್ಲ.ಕಳೆದ ಮೂರು ತಿಂಗಳ ಹಿಂದೆ ನಿಗಮ ಮಂಡಳಿ ಅಧ್ಯಕ್ಷರ ಆಯ್ಕೆಯ ನಂತರ ಶೈಕ್ಷಣಿಕ,ನೇರ,ಸ್ವಯಂ ಉದ್ಯೋಗ,ಗಂಗಾಕಲ್ಯಾಣ ಯೋಜನೆಗಳಡಿ ಸಾಲ ಸೌಲಭ್ಯಗಳಿಗೆ ಅವಕಾಶವಿದ್ದು.
ಆನ್ ಲೈನ್ ನಲ್ಲಿ ಅರ್ಜಿ ಸಲ್ಲಿಸಿ ಸದುಪಯೋಗ ಪಡೆದುಕೊಳ್ಳಬೇಕು.ಪ್ರತ್ಯೇಕ ನಿಗಮ ಮಂಡಳಿ ಹಾಗೂ ಮಡಿವಾಳ ಮಾಚಿದೇವ ಜಯಂತಿ ಆಚರಣೆ ಜಾರಿಗೊಳಿಸಿದ ಸರ್ವ ಪಕ್ಷದ ಮುಖ್ಯಮಂತ್ರಿಗಳಿಗೆ ಅಭಿನಂದನೆಗಳು.ಮಡಿವಾಳ ಸಮುದಾಯದಲ್ಲಿನ ಒಗ್ಗಟ್ಟು ಮತ್ತು ಶಿಕ್ಷಣದ ಕೊರತೆ ಯಿಂದ 6 ದಶಕಗಳಿಂದ ಯಾವೊಂದು ಪಕ್ಷದಲ್ಲಿಯೂ ಶಾಸಕರಾಗಿ ಆಯ್ಕೆಯಾಗಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.

ಮಾಜಿ ಶಾಸಕ ಎಚ್.ಪಿ.ರಾಜೇಶ್ ಮಾತನಾಡಿ,ನನ್ನ ಆಡಳಿತಾವಧಿಯಲ್ಲಿನ ಮಡಿವಾಳ ಸಮುದಾಯದ ಭವನದ ಬೇಡಿಕೆಗೆ. ಇದೀಗ ನಿವೇಶನವನ್ನು ಕಲ್ಪಿಸಿರುವ ಶಾಸಕ ಎಸ್.ವಿ.ರಾಮಚಂದ್ರ ಅವರಿಗೆ ಅಭಿನಂದನೆಗಳು.ಸ್ವಾಭಿಮಾನದಲ್ಲಿ ಕಾಯಕ ಮಾಡುತ್ತಿರುವ ಮಡಿವಾಳ ಸಮಾಜ ಮುಖ್ಯವಾಹಿನಿಗೆ ಬರಬೇಕಿದೆ.ತಮ್ಮ ಮಡಿವಾಳ ಸಮಾಜದಿಂದ ಮುಂದಿನ ಚುನಾವಣೆಯಲ್ಲಿ ಶಾಸಕರು ಆಯ್ಕೆಯಾಗಬೇಕಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಕಾಂಗ್ರೆಸ್ ಮುಖಂಡ ಚಿಕ್ಕಮ್ಮನಹಟ್ಟಿ ದೆವೇಂದ್ರಪ್ಪ ಮಾತನಾಡಿ,12 ನೇ ಶತಮಾನದಲ್ಲಿನ ಬಸವಣ್ಣನವರ ಅನುಭವಮಂಟಪದಲ್ಲಿ ಮಾಚಿದೇವರ ಕಾಯಕಯೋಗಿಯಾಗಿ ನಡೆಸಿದ ಸಾಮಾಜಿಕ ಕ್ರಾಂತಿ ಇಂದಿಗೂ ಅವಿಸ್ಮರಣೀಯ.ಮಡಿವಾಳ ಮಾಚಿದೇವರ ಆದರ್ಶಗಳು ಮಾದರಿಯಾಗಲಿ ಎಂದರು.

ಕೆಪಿಸಿಸಿ ಎಸ್ ಟಿ ಘಟಕದ ಕೆಪಿ ಪಾಲಯ್ಯ ಮಾತನಾಡಿದರು.

ಗ್ರಾ.ಪಂ ಅಧ್ಯಕ್ಷೆ ತಿಮ್ಮಕ್ಕರಾಮಪ್ಪ,ಸದಸ್ಯರಾದ,ರತ್ನಮ್ಮ,ನಾಗರಾಜ್ ,ಜೆಟಿ ಬಸವರಾಜ್,ತಿಪ್ಪೇಸ್ವಾಮಿ,ಲಕ್ಷ್ಮಿ,ಪ.ಪಂ ಸದಸ್ಯೆ ಮಂಜಮ್ಮ,ಮಡಿವಾಳ ಮಾಚಿದೇವ ಸಂಘದ ತಾಲೂಕು ಅಧ್ಯಕ್ಷ ಎಂ.ಸಿ.ರೇವಣಸಿದ್ದಪ್ಪ,ಜಿಲ್ಲೆಯ ವಿವಿಧ ತಾಲೂಕುಗಳ ಸಮಾಜದ ಅಧ್ಯಕ್ಷರಾದ ಎಂ.ಎನ್. ಬಸವರಾಜಪ್ಪ,ಮಹಾಂತೇಶ್,ರವಿದೊಡೇರಿ,ಭೀಮಣ್ಣ,
ರಮೇಶ್,ಶಿಕ್ಷಕ ನಾಗರಾಜ್,ಹರೀಶ್,ಸೇರಿದಂತೆ ಉಪಸ್ಥಿತರಿದ್ದರು.