ಪರಿಶಿಷ್ಠ ಜಾತಿ ಪರಿಶಿಷ್ಠ ಪಂಗಡಗಳ ಅಲೆಮಾರಿ ಸಮುದಾಯಗಳಿಗೆ ಶಾಶ್ವತವಾಗಿ ನಿವೇಶನ ವಸತಿ ಕಲ್ಪಿಸಲು ಬದ್ದ ಎಂದು ಅಭಿವೃದ್ಧಿ ನಿಗಮ ಮಂಡಳಿ:ಅಧ್ಯಕ್ಷೆ ಜಿ.ಪಲ್ಲವಿ ವಿಶ್ವಾಸ ವ್ಯಕ್ತಪಡಿಸಿದರು
ಜಗಳೂರು ಸುದ್ದಿ:
ಪ.ಜಾತಿ ಪ ಪಂಗಡ ಎಸ್ ಸಿ ಎಸ್ ಟಿ ಅಲೆಮಾರಿ ಸಮುದಾಯಗಳು ಜಗಳೂರು ಪಟ್ಟಣದ ಬಸ್ ತಂಗುದಾಣದಲ್ಲಿ ಶೋಚನೀಯ ಸ್ಥಿತಿಯಲ್ಲಿ ಜೀವನ ನಡೆಸುತ್ತಿದ್ದಾರೆ ಈ ಸಮುದಾಯವು ಬ ಮುಖ್ಯವಾಹಿನಿಗೆ ಬರಲು ಅಭಿವೃದ್ದಿ ನಿಗಮ ಪೂರಕವಾಗಲಿದೆ ಎಂದು ಕರ್ನಾಟಕ ಪ.ಜಾತಿ ಮತ್ತು ಪ.ಪಂಗಡಗಳ ಅಲೆಮಾರಿ ಅಭಿವೃದ್ದಿ ನಿಗಮದ ಅಧ್ಯಕ್ಷೆ ಜಿ.ಪಲ್ಲವಿ ಅಲೆಮಾರಿ ಸಮುದಾಯಗಳು ವಾಸಿಸುವ ಪ್ರದೇಶಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಸುದ್ದಿಗಾರರೊಂದಿಗೆ ಮಾತನಾಡಿದರು.
ಪಟ್ಟಣದ ಮಹಾತ್ಮಗಾಂಧಿ ಬಸ್ ನಿಲ್ದಾಣ,ಹುಚ್ಚವ್ವನಹಳ್ಳಿ ಕೊರಚರಹಟ್ಟಿ,ಅಶ್ವತ್ಥರೆಡ್ಡಿ ನಗರದ ಬಳಿ ಸಿಂಧೋಳ್ ಸಮುದಾಯಗಳ ಟೆಂಟ್ ಗಳಿಗೆ ಭೇಟಿ ನೀಡಿ ಅವರ ವಸ್ತು ಸ್ಥಿತಿಗತಿ ಪರಿಶೀಲಿಸಿ,ಸ್ಥಳೀಯ ಸಮಸ್ಯೆಗಳ ಅಹವಾಲು ಸ್ವೀಕರಿಸಿಕೊಂಡು ಭರವಸೆ ನೀಡಿದರು.
ಕಳೆದ ಒಂದೂವರೆ ವರ್ಷದ ಹಿಂದೆ ಸ್ಥಾಪಿತವಾದ ನಿಗಮಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ನನ್ನ ಆಯ್ಕೆಗೋಳಿಸಿದ ನಂತರ ರಾಜ್ಯದ 12 ಜಿಲ್ಲೆಗಳಲ್ಲಿ ಪ್ರವಾಸ ಕೈಗೊಳ್ಳಲಾಗಿದೆ. ಪರಿಶಿಷ್ಠ ಸಮುದಾಯಗಳ ಅರೆಅಲೆಮಾರಿ,ಅಲೆಮಾರಿ,ಸಮುದಾಯಗಳ ಸಾಮಾಜಿಕ,ಆರ್ಥಿಕ,ಸ್ಥಿತಿಗತಿಗಳನ್ನು ಪರಿಶೀಲನೆ ನಡೆಸುತ್ತಾ,ವರದಿಯನ್ನು ಆಯಾ ಜಿಲ್ಲಾಧಿಕಾರಿಗಳ ಸಮ್ಮುಖದಲ್ಲಿ ಜಂಟಿ ಇಲಾಖೆಗಳ ಸಭೆ ನಡೆಸಿ ಸಮಸ್ಯೆಗಳಿಗೆ ಪರಿಹಾರ ನೀಡಲು ಸಭೆ ನಡೆಸಲಾಗುವುದು.ಸರ್ಕಾರದ ಆರ್ಥಿಕ ಯೋಜನೆಗಳನ್ನು ಪಾರದರ್ಶಕವಾಗಿ ಸಮರ್ಪಕವಾಗಿ ಅಲೆಮಾರಿ ಸಮುದಾಯಗಳಿಗೆ ತಲುಪಿಸುವ ಮೂಲಕ ಸ್ವಾವಲಂಬಿ ಬದುಕು ಹಾಗೂ ನಿವೇಶನ, ಸೂರಿಲ್ಲದವರಿಗೆ ಶಾಶ್ವತ ಸೂರಿನ ನೆಲೆ ಕಲ್ಪಿಸಿ ಟೆಂಟ್ ಮುಕ್ತ ರಾಜ್ಯವನ್ನಾಗಿಸಲು ಸಂಕಲ್ಪಗೈಯಲಾಗಿದೆ ಸಂವಿಧಾನ ಶಿಲ್ಪಿ.ಡಾ.ಬಿ.ಆರ್.ಅಂಬೇಡ್ಕರ್ ಅವರ ಆಶಯದಂತೆ ಶಿಕ್ಷಣದಿಂದ ಮಾತ್ರ ಶೋಷಿತ ಅಲೆಮಾರಿ ಸಮುದಾಯಗಳು ಮುಖ್ಯವಾಹಿನಿಗೆ ಬರಲು ಸಾಧ್ಯ.ಪೋಷಕರು ಮಕ್ಕಳ ಶಿಕ್ಷಣಕ್ಕೆ ಆದ್ಯತೆ ನೀಡಬೇಕು.ದೇಶದಲ್ಲಿ ಎಲ್ಲಾ ವರ್ಗಗಳ ಸಮಾನತೆಗೆ ಧರ್ಮ ಗ್ರಂಥ ಸಂವಿಧಾನ ಸಾಕ್ಷಿಯಾಗಿದೆ ಎಂದು ಹೇಳಿದರು.
2020-21 ನೇ ಸಾಲಿನಲ್ಲಿ ಎಸ್ ಸಿ ಎಸ್ ಟಿ ಅಲೆಮಾರಿ ನಿಗಮದಡಿ ವಸತಿಯೋಜನೆಗೆ ಮೀಸಲಾಗಿದ್ದ ₹500 ಕೋಟಿ ಅನುದಾನ ಬೇರೆಡೆಗೆ ವರ್ಗಾಯಿಸಲಾಗಿತ್ತು.ನನ್ನ ಆಡಳಿತಾವಧಿಯಲ್ಲಿ ನಿಗಮದಡಿ ಬರುವ 99 ಸಮುದಾಯಗಳಿಗೆ ಸಾಮಾಜಿಕ ನ್ಯಾಯ,ಆರ್ಥಿಕ ಸಬಲೀಕರಣ ಸೇರಿದಂತೆ ಶ್ರೇಯೋಭಿವೃದ್ದಿಗೆ ಪ್ರಾಮಾಣಿಕ ಸೇವೆಮಾಡುವೆ ಎಂದು ಭರವಸೆ ನೀಡಿದರು.
ಅಲೆಮಾರಿಗಳ ವಸ್ತುಸ್ಥಿತಿಯನ್ನ ಆಲಿಸುತ್ತಿರುವ ನಿಗಮ ಮಂಡಳಿ ಅಧ್ಯಕ್ಷರು
ಬಸ್ ನಿಲ್ದಾಣದಲ್ಲಿನ ಪ.ಜಾತಿ ಅಲೆಮಾರಿ ಕುಟುಂಬಗಳಿಗೆ ಭೇಟಿ:
ಕೆರೆ ಅಂಗಳದಲ್ಲಿನ ಜೋಗಪ್ಪನಗುಡಿ ಸ್ಲಂ ನಿವಾಸಿಗಳು ಕಳೆದ ಎರಡು ವರ್ಷಗಳಿಂದ ಸೂರಿಲ್ಲದೆ ಬಸ್ ನಿಲ್ದಾಣದಲ್ಲಿ ಕೊಠಡಿ,ಸ್ನಾನಗೃಹಗಳಿಲ್ಲದೆ.ಶೌಚಲಯಗಳಿಲ್ಲದೆ ಕೇವಲ ಮಳಿಗೆಯಲ್ಲಿ ಮಹಿಳೆಯರು,ಮಕ್ಕಳು,ಪ್ರಾಣಿಗಳಂತೆ ವಾಸಿಸುತ್ತಿರುವ ವಸ್ತು ಸ್ಥಿತಿಯನ್ನ ಪರಿಶೀಲನೆ ನಡೆಸಿ .ವಸತಿಯೋಜನೆ ಕಲ್ಪಿಸುವಲ್ಲಿ ಸ್ಥಳೀಯ ಜನಪ್ರತಿನಿಧಿಗಳ ಹಸ್ತಕ್ಷೇಪ ಸಲ್ಲದು ಅರೆಅಲೆಮಾರಿ ಸೌಲಭ್ಯಕ್ಕೆ ಜಿಲ್ಲಾಮಟ್ಟದ ಆಯ್ಕೆಸಮಿತಿ ರಚಿಸಲಾಗಿದೆ. ಸಂಬಂಧಿಸಿದ ಸ್ಥಳೀಯ ಅಧಿಕಾರಿಗಳು ಪಟ್ಟಣದ ಅಶ್ವತ್ಥರೆಡ್ಡಿನಗರದ ಬಳಿಯಿರುವ 1.20 ಎಕರೆ ಸರ್ಕಾರಿ ಜಮೀನಿನಲ್ಲಿ ಕೂಡಲೇ ನಿವೇಶನ,ಮನೆ ನಿರ್ಮಿಸಿಕೊಡುವಂತೆ ಅಧಿಕಾರಿಗಳಿಗೆ ಸ್ಥಳದಲ್ಲಿಯೆ ತರಾಟೆ ತೆಗೆದುಕೊಂಡು ಖಡಕ್ ಸೂಚನೆ ನೀಡಿದರು.
ಹುಚ್ಚವ್ವನಹಳ್ಳಿ ಕೊರಚರಹಟ್ಟಿ ಗ್ರಾಮಸ್ಥರು ನಿವೇಶನ ರಸ್ತೆ ಸಮಸ್ಯೆ ಬಗ್ಗೆ ಮನವಿಗೆ ಸ್ಪಂದಿಸಿ ತಹಶೀಲ್ದಾರ್ ಸೈಯದ್ ಖಲೀಂ ಉಲ್ಲಾ ಮಾತನಾಡಿ,ಗ್ರಾಮವು ಸ.ನಂ-1/1 ನಲ್ಲಿದ್ದು ಒತ್ತುವರಿ ಗೊಳಿಸಿದ ಸರ್ಕಾರಿ ಜಾಗದ ಒತ್ತುವರಿ ತೆರವುಗೊಳಿಸಿ ಸಮಸ್ಯೆ ಇತ್ಯರ್ಥಗೊಳಿಸಲಾಗುವುದು.ಗ್ರಾಮಕ್ಕೆ ಹಂತಹಂತವಾಗಿ ಮೂಲಸೌಕರ್ಯ ಒದಗಿಸಲು ಗ್ರಾಮಸ್ಥರು ಸಹಕರಿಸಬೇಕು ಎಂದು ಮನವಿ ಮಾಡಿದರು.
ಇದೆ ಸಂದರ್ಭದಲ್ಲಿ ನಿಗಮ ಮಂಡಳಿ ಅಧ್ಯಕ್ಷರಿಗೆ ನಿವೇಶನ ಕಲ್ಪಿಸುವಂತೆ ಅಖಲ ಕರ್ನಾಟಕ ಕೊರಚ ಮಹಾಸಂಘದ ರಾಜ್ಯಾಧ್ಯಕ್ಷ ಎಚ್ ಎನ್ ರಾಮಚಂದ್ರಪ್ಪ ಮನವಿ ಸಲ್ಲಿಸಿದರು
ಸಂದರ್ಭದಲ್ಲಿ ಅಭಿವೃದ್ದಿ ನಿಗಮದ ಆಪ್ತ ಕಾರ್ಯದರ್ಶಿ ಆನಂದಕುಮಾರ್,ಸಮಾಜಕಲ್ಯಾಣ ಇಲಾಖೆ ಜಂಟಿನಿರ್ದೇಶಕ ನಾಗರಾಜ್,ತಾ.ಪಂ ಇಓ ಕೆಂಚಪ್ಪ,ಸಮಾಜಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಪರಮೇಶ್ವರಪ್ಪ,ಪ.ವರ್ಗಗಳ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಮಂಜುನಾಥ್,ಪ.ಪಂ.ಮುಖ್ಯಾಧಿಕಾರಿ ಲೋಕ್ಯಾನಾಯ್ಕ್,ಪ.ಪಂ.ಸದಸ್ಯ ಶಕೀಲ್ ಅಹಮ್ಮದ್,ಮುಖಂಡ ಲೋಕೇಶ್ ಬಿ.ಆರ್.ಐ.ಧನಂಜಯ್,ಹಿರೇಮಲ್ಲನಹೊಳೆ ಗ್ರಾ.ಪಂ.ಅಧ್ಯಕ್ಷ ಶ್ರೀನಿವಾಸ್,ಕೊರಚ ಸಮಾಜದ ಅಧ್ಯಕ್ಷ ರವಿಕುಮಾರ್,ಸಮುದಾಯದ ಮುಖಂಡರಾದ ಕುರಿಜಯ್ಯಣ್ಣ,ಮಾರಪ್ಪ,ವೆಂಕಟೇಶ್,ಚಂದ್ರು,ನಾರಾಯಣಪ್ಪ,ಸೇರಿದಂತೆ ಇದ್ದರು.